Plantun de Prouvènço

Pèr coumpara dos planto d'encò nostre

Lathyrus cicera & Holosteum umbellatum

Lathyrus cicera

Fabaceae Leguminosae

Noms en français : Gessette, Jarosse.

Descripcioun :
La garouto es un jaisso pulèu coumuno que fai de flour roujo bèn poulido. Li fueio an dous fuioun acaba pèr de vediho e lis estipulo soun proun longo. La cambo èi bèn alado sènso péu coume touto la planto. I'a ges de pouncho coume pèr Lathyrus sphaericus. Li flour de Lathyrus setifolius soun mai pichoto e li dent dóu calice soun mai courto que lou tube, au contro de la garouto.

Usanço :
Fai un bon fourrage pèr li bèsti. Dins d'ùni relarg se manjon li grano mai èi pas counseia à l'ouro d'aro, que soun empouisounanto e dounon uno malautié néuroulougico, lou latirisme (presènci d'ODAP), se n'en manjas de trop.

Port : Erbo
Taio : Pancaro entresigna
Fueio : coumpausado
Tipe bioulougico : Pancaro entresigna
Cicle bioulougico : Pancaro entresigna

Gènre : Lathyrus
Famiho : Fabaceae
Famiho classico : Leguminosae

Ordre : Fabales

Coulour de la flour : Roujo
Petalo : irregulièro
Ø (o loungour) flour : Pancaro entresigna
Flourido : Printems

Sòu : Ca
Autour basso e auto : Pancaro entresigna
Aparado : Noun

Liò : Roucaio - Champ - Tepiero seco
Estànci : Pancaro entresigna
Couroulougi : Pancaro entresigna
Ref. sc. : Lathyrus cicera L., 1753

Ouloustèio

Holosteum umbellatum

Caryophyllaceae

Nom en français : Holostée en ombelles.

Descripcioun :
Pichoto erbo, sènso pèu, grisasso à verdalo, emé de fueio óupousado de cop que i'a un pau longo, que se recounèis majamen à si brout de flour en oumbello. I'a tres estile e li petalo soun toujour denticulado. Es uno planto que vèn bèn dins la sablo, mai pas soulamen, e que flouris d'ouro à la fin de l'ivèr.

Usanço :
Counèissèn pas d'usanço particuliero pèr aquelo planto. Lou noum prouvençau es uno reviraduro dóu latin qu'avèn rèn trouba. Pensas à nous escriéure se lou couneissès.